Lirik lagu Alahai Anak Omak Ally Noor & Mastura

Ally Noor & Mastura

Lirik Alahai Anak Omak :

Mak.. oo.. mak..
Mano pulak poi eh oghang tuo ni
Sonyap yo
Dah lolap agak eh
Mak..

Sapo pulak telomak-lomak tongah malam buto ni
Hei.. Sapo deh tu..

Ujang..
Anak omak..

Ekau jang..

Iyo.. ujang..

Alahai anak omak
Alahai anak omak
Balik juo kau jang oi balik ke kampong
Balik juo kau jang oi balik ke kampong

Alahai anak omak
Alahai anak omak
Lamo bona kau jang oi poie meghantau
Tak ado beghito pun ekau kighimkan
Alahai anak omak..

Iyo.. la kau jadi soja jang..

Tak pek do mak..

Abih.. apo pulak kojo kau..jua dadah

Ah.. omak ni
Buek doso yo..

Jangan omak berhibo berhati hibo
Ke bandar se bekojo mengumpul ghoto
Tak beduit mak oi.. kito di hino
Apo nak buek sudahlah kohondak eh si kayo
Ujang kojo pagi potang
Tak kigho siang ko malam
Muko lobam naik pitam
Beghunting pun ese jaghang

Sian yo anak omak
Sian yo anak omak
Mendeghito kau jang oi di ghantau oghang
Mendeghito kau jang oi di ghantau oghang

Mak..

Apo laie..

Anu..dah beghapo anak Milah tu mak

Bilo pulak beghanak eh..
Nikah eh pun bolum
Ekau yang tak menyompek-nyompek

Milah tak jadi nikah mak..?

Iyo…

Yahoo…

Suko bona kau jang

Apo tak suko eh mak..
Anak 5 tunggu dek oghang
Itu lak ke dagho
Joki se tu

Eh..nak ke mano pulak kau tu jang

Ghumah Milah

Macam takdo haghi lain..

Kojap yo mak..

Jang..jang

Jangan omak menyangko hai salah sangko
Hanyo se nak bejumpo sekojap ajo
Nak boghitau ayah eh
Belanjo dah ado
Biar hai leba sonyum eh
Bakal pak mentuo
Rumah Milah topi sawah
Langsir eh bebungo bighu
Jangan omak jangan maghah
Se poie joput monantu

Ontah lah anak omak
Ontah lah anak omak
Tak soghik laie kau jang diumpek oghang
Tak soghik laie kau jang diumpek oghang

Alahai anak omak….

Lirik lagu Alahai Anak Omak Ally Noor & Mastura

Lirik lagu Ally Noor & Mastura Alahai Anak Omak